Claudia Coari Mamani
Claudia Faustina Coari Mamani sutiyuq warmiqa (1967 watapi paqarisqa Iskallani ayllu llaqtapi, Kapachika distritupi , Punu pruwinsyapi) piruwanu chakra warmim, pulitikupas. 2011 watamanta 2016 watakama mit'apaq Piruwpa Kunrisunpi akllasqam kachkan Punu suyupaq, Gana Perú nisqapaq.
Pichqa watayuq wawa kaptin maman wañurqan. Chaymantapacha awichawan achachiwanpas wiñarqan.
Sikundarya nisqa yachay wasipi kaspa kathuliku inlisyapi kristiyanu animaduram akllasqa karqan, tawa wata kananpaq. Chaymantataq Kapachikapi akllasqa warmi pusaq karqan.
Claudiaqa chakra warmi kaspa huk chakraruna tantanakuykunapim - Confederación Campesina del Perú (CCP) nisqapi wankurisqa Federación Departamental de Campesinos de Puno (FDCP) nisqapi - llamk'arqan. 10 ñiqin ayriway killapi 2011 watapi akllanakuykunapi Piruwpa Kunrisunman akllasqa karqan Gana Perú nisqapaq.
Kunan kunrisista kachkaspa, Hugo Carrillo Caverowan kuska qhichwa, aymara simipi yachachiytam atichinata munan.
Claudiaqa huk warmi wawayuqmi kachkan.
Hawa t'inkikuna
llamk'apuy- Kunrisista Claudia Coari Mamani runallaqtakunata napaykun. Kunrisupi, 9 ñiqin chakra yapuy killapi 2012 watapi
- Claudia Coari Mamanip kawsasqanmanta (kastillanupi). Servindi, 3 ñiqin pawqar waray killapi 2011 watapi
- ¿Se nos debería obligar a hablar el quechua y el aymara? Los Andes, 27 ñiqin chakra yapuy killapi 2013 watapi
- Congresista Claudia Coari: “Yo también soy mamá, para mi hijita tengo que darme tiempo”. Los Andes, 28 ñiqin anta situwa killapi 2013 watapi