Delfín Tenesaca
Delfín Tenesaca sutiyuq runaqa (1965 watapi paqarisqa Mayorazgo llaqtapi, Chimpurasu markapi, Ikwadurpi) huk ikwaduryanu, kichwa rimaq pulitikum.
19 watayuq kaspa kathuliku hatun yaya monseñor Leonidas Proañop yachaqaqnin tukurqan, qispichiy yaya yachay nisqata riqsirispa.
2005 watapiqa Chimpurasu Aylluruna Rikchamuy Hatun Tantanakuy (Confederación del Movimiento Indígena de Chimborazo, COMICH) nisqap umalliqninmi tukurqan. 2009 watamantapacha ECUARUNARI sutiyuq kichwa tantanakuypa umalliqninmi kachkan, Humberto Cholangop qatiqninmi.
Delfín Tenesacaqa María Victoria Cujilema sutiyuqwan kasarakusqam, pichqa churiyuqmi.