Flor de María Canelo Marcet

Flor de María Martina Canelo Marcet sutiyuq warmiqa huk Piruw mama llaqtayuq piyanu waqachiqmi, piyanu yachachiqmi, takichaqmi, takiqpas.

Kawsaynin

Florqa Lima llaqtapi Conservatorio Nacional nisqapi piyanuta Mary Vargas Quintanilla sutiyuq yachachiqninmantas yachaqarqan.

Sipas kasparaq Arturo Pinto Cárdenas sutiyuq qusanwan Clodomiro Landeo Lagos sutiyuq masinwanpas Taklla nisqa kusituytam kamarirqan, takispa, piyanuta waqachispa.

Chaymantas ch'ullapas (solista) kuskachasqapas kaspa Orquesta Sinfónica Nacional, Orquesta Sinfónica de Trujillo, Orquesta Juvenil de Lima nisqakunapis piyanuta waqachirqan. CD nisqakunatam rurachirqan.

Kunanqa Qusqu llaqtapi Asociación Cultural Qantu nisqap pusaqninmi kachkan. Asociación Suzuki del Perú nisqapaq 2014 watamantam llamk'an, wawakunata, wiñasqa runakunatapas piyanu waqachiyta yachachispa. 2008 watamantam Fil Uno sutiyuq chilu waqachiqwan iskaynintinpi waqachin.

Diskunkuna

• (Taklla kusituywan) Taklla
• Mariposita siete colores. Canciones andinas para cantar con los niños. Liwrupas CD-pas qhichwa simipipas kastilla simipipas. 52 rapiyuq, 26 cm x 18 cm (1989 watapi pallasqa Qusqu suyupi).
• Gatito travieso. Canciones andinas de los maestros para los niños. Liwrupas CD-pas qhichwa simipipas kastilla simipipas. 60 rapiyuq (huk Qusquyuq runakunap rurasqan takikuna, piyanupaq, takinapaqpas, qhichwa simipipas kastilla simipipas)
• achka hukkunapas

Hawa t'inkikuna

• Flor de María Martina Canelo Marcet. Asociación Suzuki del Perú.
• Cancionero Tradicional Ayacuchano, Selección y traducción de Arturo Pinto y Flor Canelo. (Angelfire)
• Asociación Cultural Qantu
• Fil Uno: Flor Canelo & Fil Uno – piano & violonchelo