Chira (llamk'achiy llikacha)
Chira, siq (chawpi muhu utaq chawmuyu)[1] icha kirnulqa (Inlis simipi: kernel 'muhu') huk llamk'anap llamk'aykuna llikachanpa ukhunpi kaq antañiqiq wakichim, tukuypaqtaq tukuy ima llamk'anapi tukuy kamachiyniyuq.[2]
Kayqa llamk'aykuna llikachapa khipukamanpa huknin kaqninmi, sapa kuti yuyarinapi tiyaq[3] chaymanta sinchikaq chaymanta llamp'ukaq nipayakunapura t'inkiyta yanapan.
Huk hunt'asqa k'itiqa llapa llamkanakunap kapuqninkunatam kamachin (kayhina I/O, yuyay, ukhulliqillqay) q'illaysapa pusachiqkuna kaqnintakama, chayhina yanapakuykunamanta ruwanakunapura ch'aqwaykunata chiripan, chaymanta sapsi yanapakuykunamanta llamk'achiyta allinchan p.h CPU, waqaychasqa llamk'achiy imata, willañiqi llikachakuna, chaymanta llika socketkuna. Yaqa llapan llikachakunapi, k'itiqa huk ñawpaq wakichikuna qallariypi chaqnasqa (qallariychaqnaqmanta qhipaman). Puchuq qallariymanta chaymanta yuyay, muyupayaqkuna, chaymanta yaykuna/lluqsina (I/O) mañakuykunata llamp'ukaq kaqmanta llamk'achin, chayta t'ikraspa willaku-thatkichiy kamachiykunaman chawpi thatkichiy hukkaypaq.