Purum
nisqaqa mana chakra kaq allpam, sallqalla kaq
- Purun nisqaqa huk sut'ikunayuqmi; Purun (sut'ichana) rikuy.
Purum icha puruma nisqaqa mana chakra kaq allpam, sallqalla kaq, icha manaña llamk'apusqachu chakram, alli-allillamanta sallqayaq.
Umawa suyupi piyata icha ruphachina chakra llamk'ay nisqapiqa manaña llamk'apusqa chakrakunatam, chaqusqamanta (ruphachisqamanta) iskaymanta aswan watamantam. Ruphachisqa chakrap allpanpi chakra yurakunaqa huk, iskay watallam wiñam, chaymantataq allpapi kawsachikuy imayayninkuna mawk'ayasqañam. Llullu purun nisqapiqa - chaqusqamanta 2-6 watayuq - wiñakuqña mallkikunamanta wayukunatam, hampikunatapas pallanku. Ruk'u purun nisqapitaq - chaqusqamanta 6-20 watayuq - hatun sach'akunañam wiñam. Allillamanta yaqa sallqa sach'a-sach'a hinamanmi wiñakun.