Ikwayur nisqapaq musuqchasqapura wakin kaynin

 
== Wiñay kawsay ==
=== Ñawpak pachapi ===
Ikwadurpi, ñawpak ashta waranka wata, tawka runa llaktakunata tiyarkan. Kashna, Valdivia runakunaka, [[Manawi marka]]pi, [[Santa Elena marka]]pipash kawsarkan, {{formatnum:3500}} AC - {{formatnum:1800}} AC watakunapi. Paykuna, sumak [[K'apra|rakchikkuna]] karkan. [[Awya Yala]]pi, mana ñawpak shuktak runakunaka rakchikunata rurana yacharkan.
 
Tawka wiñay kawsay yachakkuna, [[Juan de Velasco]] yachakshina yuyarkan, ashta watamanta, [[Inka hawaykawsay|Inkakuna]] shamushkakaman, shuk mamallakta hatun pushak [[Kitu]]pi kawsarka, pay Ikwadurpa [[Antikuna]]ta kawarkan, [[Puruha]] llaktamanta ([[Chimpurasu marka]]pi), [[San Gabriel]] llaktaman ([[Karchi marka]]pi). Chay hatun pushakka, Shyri nishkami. Kunanka, mana tukuy wiñay kawsay yachakkuna shina yuyan. Ashtawan yachakkuna yuyan, Ikwadurpi, [[Inka hawaykawsay|Inkakuna]] shamushkakaman, mana shuklla hatun pushak tiyarka, shinapashmi tawka [[kuraka]]kuna tiyarka, shuk kurakaka, tawka [[ayllu llaqta|ayllu llaktakunata]] kawarkan<ref>''(es)''[http://www.dineib.gov.ec/pages/interna.php?txtCodiInfo=65 ANTECEDENTES DE LOS PUEBLOS DE LA NACIONALIDAD KICHWA], Ikwadorpak ''Ministerio de Educación''</ref>. Kipa, Inkakuna [[Tupaq Inka Yupanki]]ka [[Wayna Qhapaq|Wayna Kapakkapash]] Ikwadurpi Antikuna kamachirirka, kipa Ikwadur Antikunapa runakuna [[Tawantinsuyu]]pi, [[Chinchaysuyu]] markapi kawsarkan. Kimsa chunka wata kipa, Ispañulkuna shamurka, [[Francisco Pizarro]] pushakka 1533 watapi [[Atawalpa]] Inkata wanchirka. 1534 watapi, [[Kunkistadur]] [[Sebastián de Belalcázar]]ka Kitu llaktata hapirkan, chay llakta [[Ispaña]]pakmi nishka. Kunkistadurkunaka shamushkaka, [[Rumiñawi]] pushakka Kitu kitipi tukuy wasikunata rupachirka, ama Ispañulkunaka tukuyta hapinkapa, kashnalla nishkami, [[quri|kuri]] imakunata kuyaylla rumikunatapash urkuman apamurkan.
 
=== Colonia pachapi ===
1534 watakaman, 1822 wataman, Kitupak mamallaktaka Ispañapakmi karkan. Chay watakunapi, indihina runakuna ashta llakikunata charirkan, Ispañulkunaka tukuy sumak llaktakunata hapirka, [[Asinda|hasindakunata]] rurankapa, chay hasindakunapi, [[kichwa runa]]kunaka sinchi sinchilla llankarka, kashnalla mana alli mikunakunata charirka, mishu amukunaka indihinakunata ashta makarka. Shinapash, sumak [[Inlisya|iglesiakunata]] rurarka, shina Kitupak [[Iglesia de la Compañia]]. Kashna, tawka runakuna ashtawan sumak [[kapchiy]]kunata Kitupi rurakurka. Chay runakunaka ''Kitupa yachay wasi'' (''escuela Quiteña'') nishkami, paykuna Indihinakunapa ispañulkunapa yawarta, yuyaykunatapash charirka.
 
=== Republica pachapi ===
Shinapash, [[Antonio José de Sucre]] pushakka [[Simón Bolívar]] pushakkapash Ispañulkunawan makanakushka kipa, 1822 watakaman, Ikwadur [[Hatun Kulumbiya]]pak markami karka. Kashnalla, 1830 watakunakaman, Hatun Kolumbiya ña mana tiyashkaka, shinalla Ikwadurka shuk mushuk mamallaktami tukurika, [[Juan José Flores]] Ikwadurpa shukniki mamallaktapak hatun pushakmi tukurirka. Shinapash, allpayuk mishukunaka shina shinalla indihinakunata makakurka, sinchi llankachikurkapash. Ashtawan kichwa runakunaka [[wasipunku]]pi kawsarka, chaykuna mishukunapak llaktapi llankarkan, uchilla allpata charinkapa, chay uchilla allpapi mikunkapa llankarka. Allpayukkunaka, [[Kathuliku Inlisya]]kapash tukuyta kamarkan. 1895 watapi, [[Eloy Alfaro]] Ikwadurpak hatun pushak tukurirkami, payka shukniki indihinakunata allichik hatun pushakmi karka.
 
164

ediciones

"https://qu.wikipedia.org/wiki/Sapaq:MobileDiff/408876" p'anqamanta chaskisqa (Wikipedia, Qhichwa / Quechua)