Rómulo Sauñe Quicaña sutiyuq runaqa (17 ñiqin qhulla puquy killapi 1953 watapi paqarisqa Chakiqpampa llaqtapi, Ayakuchu suyupi; 5 ñiqin tarpuy killapi 1992 watapi wañusqa Wamanqa llaqta ñiqpi) huk piruwanu prutistanti pasturmi, t'ikraqpas karqan, Ch'uya Qillqap Qhichwa t'ikraqninmi.

Rómulo Sauñe Quicaña

Kawsasqan llamk'apuy

Romuloqa Chakiqpampa qhichwa ayllu llaqtachapim wiñarqan, michiq maqt'acha kaspa. Mamanqa inka panakayuqsi karqan, machunkunaqa inka umus. Mamanpa taytanqa Justiniano Quicaña sutiyuqtaq iwanhiliku kristiyanum tukurqan, chaymantataq Romulopas kutirikurqan. Huk iñiqkunawan TAWA (Tawantinsuyuman Allin Willakuy Apaqkuna) nisqa misyun tantanakuyta kamarispa iñiyta mast'ariysirqan. Hinaspa Chuya Qillqata grigu, iwriyu simikunamanta Chanka runasimimanmi t'ikrarqan. Chay ruraynintaqa 3 ñiqin tarpuy killapi 1987 watapi hunt'arqan. Uyarispam Runaqa Iñin (FCBH) nisqapaq Musuq Rimanakuytam rimaspa hallch'arqan.[1] Chaypacha Akchiq Ñan nisqap ankallinkunañam chay k'itipi runakunata wañuchispa maqanakurqan. Justiniano Quicañatapas chaypacha wañuchirqanku.

23 ñiqin inti raymi killapi 1992 watapi Manila llaqtapi Pachantin Iwanhiliku Hatun Tantanakuymanta iñiy qispi kaypaq suñayatam chaskirqan.

5 ñiqin tarpuy killapi 1992 watapi Ruben sutiyuq wawqinwan Josué, Marco Antonio sutiyuq qayrinkunawan Chakiqpampamanta Wamanqa llaqtaman kutimuchkaptin Akchiq Ñan ankallikunam ñanninta hark'aspa tawantinta illapaspa sipirqanku.

Ayllun, kunan pacha llamk'apuy

Romuloqa Donna Jackson sutiyuq warmiwan kasarakusqam karqan, tawa churinmi kan (iskay qhari, iskay warmi) - Rumi, Kusi, Quri, Tawa sutiyuq. Paykunaqa kunankamapas Piruwanu Qhichwa Iwanhiliku Inlisya nisqapaqmi llamk'an. Romulop wawqintaq Joshua sutiyuq chay inlisyap pusaqninmi kachkan, Wamanqa llaqtapi kawsaq.

T'ikrasqan qillqakuna llamk'apuy

Liwrukuna llamk'apuy

  • Terry Whalin, Chris Woehr: One bright shining path: faith in the midst of terrorism. Crossway Books, Wheaton, Illinois (USA) 1993 (inlish simipi)

Pukyukuna llamk'apuy

  1. Eryn Sun, The Christian Post, 14 Nov 2011

Hawa t'inkikuna llamk'apuy

"https://qu.wikipedia.org/w/index.php?title=Rómulo_Sauñe_Quicaña&oldid=629425" p'anqamanta chaskisqa (Wikipedia, Qhichwa / Quechua)