Sylvia Falcón

Sylvia Falcón Rojas sutiyuq marmiqa (29 ñiqin ayamarq'a killapi 1983 watapi paqarisqa Lima llaqtapi, Piruw llaqtapi) huk Piruw mama llaqtayuq supranu takiqmi.

Kawsaynin

Sylviap mamanqa, Felicitas Rojas sutiyuq, Wankawillka suyumantam, taytan, Demetrio Falcón sutiyuq, Ayakuchu suyumanta kaptin Sylvia Lima llaqtapim paqarirqaspa wiñarqan.

2007 watapi ñawpaq CD-ninta lluqsichirqan, Killa Lluqsimun sutiyuq, Ayakuchu, Qusqu, Ariqipa, Wankawillka suyukunamanta takikunayuq, K’arawi nisqa takitataq Yma Sumac sutiyuq takiqmantam chaskirqan. Chay diskupi takikunapiqa Daniel Kirwayom kitarata charankutapas waqachirqan.

2014 watapitaq Inkario nisqa diskunmi lluqsirqan, kikinpa rurasqan takikunayuqmi, Paras, Mamallay sutiyuq, hukkunapas. Chay watapiqa hukin diskunpas lluqsirqan, El cóndor pasa ("Kuntur phawan") sutiyuq, Daniel Alomía Roblespa rurasqan takimanta sutichasqa.

Sylviaqa Ana de Orbegosop kamachisqan La Última Princesa sutiyuq piruwanu pilikulapipas pukllarqan.

Diskunkuna

• 2007: Killa Lluqsimun
• 2014: Inkario
• 2014: El Cóndor Pasa

Hawa t'inkikuna

• Pablo Landeo Muñoz: Sylcia Falcón: Killa lluqsimun, Hawansuyu, 2014 watapi (runasimipi)
• Tukri tiyaynin Facebook nisqapi
• Tukri kanalnin Youtube nisqapi
• La voz excepcional de Sylvia Falcón, Diario 16
• Sylcia Falcón, rescate del lirismo andino, Takillaqta
• Sylcia Falcón: Killa lluqsimun, Andina.com.pe