Florencio Coronado Romaní
Florencio Coronado Romaní sutiyuq runaqa (23 ñiqin aymuray killapi 1908 watapi paqarisqa Qaqa distritupi, Aqupampa pruwinsyapi, Wankawillka suyupi - 5 ñiqin tarpuy killapi 2006 watapi wañusqa Lima llaqtapi) huk 
Piruw mama llaqtayuq kathuliku taytakuram, Wankawillkap hatun yayanmi, qhichwa simipi qillqaqmi, Dyuspa Simin Qillqata t'ikraqmi karqan, Santa Bibliap Qhichwa t'ikraqninmi.
| Florencio Coronado Romaní | ||
|---|---|---|
| ||
| Kawsaymanta qusqakuna | ||
| Paqariy sutin | Florencio Coronado Romaní | |
| Paqarisqa | Piruw Qaqa distritupi, 23 ñiqin aymuray killapi 1908 watapi
| |
| Wañusqa | Piruw Lima, 5 ñiqin tarpuy killapi 2006 watapi
| |
| Rurasqankuna | Taytakura, Dyuspa Simin Qillqa t'ikraq | |
| Aswan riqsisqa qillqasqan: | Hanaq Pacha Ñan, Santa Biblia Qhichwa simipi | |
Kawsasqan
llamk'apuyFlorencio Coronado Romaní Aqupampa pruwinsyapi llaqtachapi wiñaspa 14 watayuq kaspa Redentorista nisqa kathuliku misyunaryukunaman rirqan. Ñawpaqtaqa Piruwpi yachaqarqan, chaymantataq Ransiyaman rirqan redentorista taytakura tukunanpaq. 18 ñiqin tarpuy killapi 1938 watapi Bilhikapi taytakuraman tukuchirqanku. Chaymanta Piruwman kutirqan, chaypi ayllu llaqtakunapi Dyuspa siminta rimaspa. 1956 watapi Wankawillkap hatun yayanmi tukurqan, chayqa 1982 watakamam kakuspa.
Hatun yaya kasqa Dyuspa Simin Qillqata, Misalta, Sakramintu Ritualtapas Chanka runasimimanmi t'ikrarqan. Chaypacha Hanaq Pacha Ñan (Janacc Pacha Ñan) nisqa liwrutam qillqarqan, katisismuyuq takikunayuq liwrutam. Biblia t'ikrasqantaqa 2002 watallapim tukuchirqan, William Dermott Molloy McDermott sutiyuq Wankawillkap Hatun yayanwan, Wanta llaqtayuq Alberto Barbosa sutiyuq taytakurawan llak'anakuspa.
Qillqasqankuna
llamk'apuy- Janacc Pacha Ñan. Padre Redentoristacunapa ccellcasccan. Revisada y ampliada por Monseñor Florencio Coronado Romaní C Ss.R. Décima quinta edición revisada y ampliada. Lima, 2012. 707 pp.
T'ikrasqan
llamk'apuy- Sagrada Biblia quechua-castellano. Edición quechua realizada por Mons. Florencio Coronado C.Ss.R. Edición castellana tomada de la Biblia Argentina "El libro del Pueblo de Dios". Diócesis de Huancavelica. Dickinson Press, Grand Rapids (Michigan, USA) 2002. 2500 pp.