Inka qhichwa simi

Inka qhichwa simi nisqaqa Tawantinsuyupi Inkakunap rimasqansi karqan, chaypacha rimasqa qhichwa simi k'iti rimayninkunas.

Chay pachañas achka k'iti rimaysi karqan, manas hukllachu rimay. Inka qhichwaqa kunan Chanka runasimiman kaqllas karqan, ichataq uma llaqtanpis, Qusqu llaqtapis Qusqu-Qullawpi hinas chilli llump'a, kallpa llump'a, phuku llump'a nisqa Aymara simipi hina kunkawakiyuqsi karqan. Kunan Urin runasimiman ancha kaqllas, ichataq chinchaysuyu rimaykunapi hina mawk'a qhichwap /s/, /š/ kunkantaraq chaypacha sapaqcharqanku (Kastilla Atiy pachapi z, s qillqasqa).