Qallariy akllana suyuta kichariy

Iskay Simipi Iskay Kawsaypi Yachachiqkunap Mamallaqta Tantanakuynin

Iskay Simipi Iskay Kawsaypi Yachachiqkunap Mamallaqta Tantanakuynin, kastilla simipi Asociación Nacional de Maestros de Educación Bilingüe Intercultural (ANAMEBI) nisqaqa Piruwpi iskay simipi iskay kawsaypi yachaypi llamk'aq yachachiqkunap hatun tantanakuyninmi, qhichwa runakunam, huk indihina runakunapas.

ANAMEBI-qa 29 ñiqin chakra yapuy killapi 2003 watapi kamarisqam karqan.

Kunan kachkaq pusaqninqa Ankash suyumanta Oscar Chávez Gonzáles sutiyuq yachachiqmi.

ANAMEBI-qa tukuy indihina runakunapaq iskay simipi iskay kawsaypi yachaypaqmi tanqan, ayllu runakunap kamachisqan yachachiypaqmi, indihina runakunap mana kastillanuyananpaq. ANAMEBI nin, Ayllu runakuna kikinpa kawsay saphillanwanmi allin kawsay nisqata aypanqaku. Kunan Piruw mama llaqtataq yachay wasinkunapi runakunata kastillanuchaspa indihina kawsayta puchukachiyta munanmi, nispa.

ANAMEBI-qa qhichwa runakunap hatun huñunakuykunapim llamk'anakun, mamallaqtappas mamallaqtapurapas. Antikuna Aylluruna Tantanakuykunap T'inkinakuyninpim (Coordinadora Andina de Organizaciones Indígenas) wankurisqa.

Hawa t'inkikunaLlamk'apuy